異色同雲呢嗱都係性愛嘅分支。異色包含所有傳統性行為以外嘅性癖，而雲呢嗱就只限於涉及性器官接觸嘅傳統性行為（例如性交、肛交、口交及愛撫）。
異色定雲呢嗱都係性愛方面嘅個人傾向，兩者都可以提供歡愉，無話邊個比較正。就好似有人鍾意帶激烈碰撞嘅美式足球，有人喜歡優雅嘅花式溜冰，只係口味問題。
BDSM 可以理解為性愛方面嘅興趣與癖好，深層次而言更加係代表自身嘅傾向。支配、臣服、施虐、受虐等特質，其實係形容緊我哋獲取性快感與滿足感嘅來源。
實際上，BDSM 嘅特質並唔罕見，喺唔同日常場合，例如工作、拍拖、婚姻，都可以見到其跡象。有人會享受做主導一方，有人會享受被照料保護，相信無人會覺得咁樣唔正常。當類似取向延伸到性愛方面，又點解係有病有問題呢。
而且，BDSM 講求知情同意、你情我願。再重口味嘅施虐者得唔到同意，那怕係輕輕搣一下都唔會做。異色者並唔係病態罪犯，唔會打劫強姦、殺人放火。我哋係性小眾，同時亦係健全正常嘅普通人。
詳情請參閱《如何開始？：What is SSC & RACK》
首先，BDSM 並非不良陋習，無戒斷之說。正如 Q2. 所講，BDSM 係一種傾向而不只限於嗜好。要異色者放棄 BDSM，就有如叫同性戀者拗直。
舉個例子，即使支配／臣服者暫停所有異色行為，都唔可能會失去支配／臣服嘅內心傾向。支配者依然會想要個聽佢話嘅伴侶，臣服者依然會想搵個掌控佢嘅對象。與其強行壓抑自我，不如學會欣賞 BDSM、欣賞自己。
唔可以。正如異色係一種傾向，雲呢嗱亦係無法後天改變嘅傾向。不過唔洗失望住，前提要對方真係真．雲呢嗱。有啲以為係雲呢嗱嘅，其實只係無接觸過所以無概念，唔代表無異色傾向。亦啫係話，雲呢嗱係有機會開發成為異色者。
詳情請參閱已婚系列：《由同床異夢走到抵足異色》、《打開新世界之門》、《淺談與 Vanilla 伴侶溝通 BDSM》
基於異色係一種傾向，Top 施方係唔能夠調教成 Bottom 受方（例如：施虐者變成受虐者、支配者變成臣服者），反之亦然。只有本身係轉換者 Switch，先有開發另一面嘅可能性。
詳情請參閱《BDSM 屬性》
唔一定。BDSM 嘅行為通常稱之為 Play 玩樂遊戲（但大家嘅心態都係好認真嘅）或 Scene 情節場景，過程中性器官接觸或者插入式性行為都係非必要嘅。BDSM 作為性癖嘅一種，係同性快感、性興奮有關聯，但毋須下下扑嘢。單憑繩索嘅張力、乳膠嘅氣味、言語嘅屈辱、鞭打嘅痛楚，其實已經足以為異色者帶來滿足感。當然，BDSM 亦唔排斥進行性行為，一切以參與者共同意願為先。
PP 同 SP 最大嘅區別在於前者係異色，後者係雲呢嗱。另外 PP 唔一定要有性器官接觸或插入式性行為，SP 就通常都做齊。
前者場景外唔會有 BDSM Dynamic 互動，以朋友方式相處；後者嘅互動會延伸到場景外日常生活當中。
聚會係由異色組織定期舉辦嘅雲呢嗱社交活動，可以喺公開抑或私人場所舉行，世界各地都有。目的係比異色者一個機會結識同道中人、擴闊社交圈子。為尊重雲呢嗱場合，參與者需穿著日常服飾，唔能夠展示異色相關事物。要注意，聚會並唔係獵艷釣魚嘅場合，亦唔係做生意搵錢嘅地方。我哋歡迎任何人參與聚會結交朋友。
新手可以撰寫一段簡潔易明嘅自我介紹，述說其感興趣項目、入圈契機、接觸渠道、過往經驗等，有助打開話題、結交朋友。清晰嘅自介亦方便同好們就新手興趣推薦相關實用資源。
除咗線上吹水，亦建議新手多參與線下聚會，擴闊社交圈子、了解異色文化。此外，工作坊係充實自我嘅大好機會，學員能夠喺專人指導下有效率地學習安全要點與實踐技巧。
首先，唔會有人對咩都有興趣。剃頭、黃金、縫針、𠝹皮等邊緣遊戲多不勝數，講得出「咩都有興趣」其實係唔夠了解自己。如果約調前無講清楚，對方又真係以為咩都可以，結果玩咗啲其實唔得嘅項目，悲劇就係咁誕生。
新手不妨由 BDSM 六大方向入手，亦可以諗下自己平日有無咩特殊戀物癖。如果真係諗唔到，試下回憶初次對 BDSM 產生興趣嘅契機。繩縛寫真、調教小說、鞭打動圖等主題素材其實都已經大概描述咗感興趣嘅方向。
詳情請參閱《BDSM 調教的種類》
限制同安全詞就一定啦。特別要注意嘅係，頭幾次約調前嘅商討，都會建議新手使用列舉法而非排除法嘅知情同意模式。啫係淨係可以玩講過嘅項目，唔可以中途加料。盡量唔好同對方講「我唔玩得咩咩咩，其他都可以」，因為真係唔會估到「其他」包括啲咩。而且新手好多嘢都未試過，一般難以準確界定自己嘅限制。
詳情請參閱《如何開始？：安全語及限制》
臣服者顧名思義會喺臣服嘅過程得到滿足，受虐者則會透過痛楚獲取快感。重點在於是否享受，舉例說：服從性與耐痛度高嘅臣服者能夠忍受支配者數十下藤條，怕痛嘅受虐者則只能夠承受十數下皮拍，咁係咪代表前者比後者更 m？儘管後者承痛天花板比較低，但受虐者被打幾下已會有性興奮，而臣服者因為唔享受痛楚根本無法獲取性快感。
事實上喺鞭拍打嘅過程中，臣服者同受虐者都可以以唔同角度享受遊戲。臣服者嘅滿足源自服從命令、成功忍耐、得到肯定，而受虐者嘅快感則來自痛楚，亦有好多人兼具兩種屬性獲得雙重享受。
延伸出去，其實 BDSM 所有屬性分類都係基於性快感與滿足感嘅來源。
詳情請參閱《BDSM 屬性》
奴隸其實係臣服者嘅分支（仲有寵物、孩童等），兩者都會喺支配與臣服關係當中進行權力交換。雙方嘅滿足感來源其實都差唔多，主要分別在於知情同意方面。
sub 可以就自己喜好與心情提出想法，而 slave 就無嘅。奴隸由認主當刻已經係交出咗完全主導權，成為 Master / Mistress 主人嘅所有物。所以奴隸只有基於限制嘅「唔接受」，而無就個人喜好與心情嘅「唔想」/「唔鍾意」。
要強調一點，臣服者與奴隸都係同等可貴。無話邊個更好，只有同邊個更夾。佢哋喺知情同意方面雖然有唔同做法，但交付嘅信任都係一樣咁重。
詳情請參閱《BDSM 屬性》
之所以大家要分得仔細，係唔希望出現錯配、溝通不良嘅問題。如果施虐者配咗個唔戀痛嘅臣服者，然後指責臣服者唔夠聽話，埋怨點解對方打極都唔濕、咁快叫安全詞，其實雙方都唔會開心。一嚟施虐者打幾下就要收手，唔夠盡興；二嚟臣服者失去對方認同、被對方否定，會好易心理崩潰。
亦因為咁，個人非常反對以主奴一概而論。好多人自稱主／奴，但其實並無好好了解清楚自己嘅內在。華語圈中嘅 m sub slave 不分，好大程度要歸咎於「奴」呢個咁唔精準嘅翻譯。
詳情請參閱《BDSM 屬性》
一樣咁重要。一隻手拍唔響，支配／臣服者之所以係支配／臣服者，係因為有對方嘅存在。支配者掌控嘅權利係由臣服者自願奉上，而臣服者服從嘅方向係由支配者訂立指引。權力交換關係需要雙方共同努力維繫，任何一方感到被忽略都有權選擇即時終止關係。
所謂支配與臣服，就係由臣服者去決定舞台嘅大小，而支配者喺有限嘅空間編導具無限可能性嘅劇本；雙方亦同時係演員，缺少一方配合都無法順利演出至謝幕。
BDSM 當中，任何人都有因個人限制而叫停嘅權利與義務，不論其屬性角色。
至於受方可唔可以基於喜好或情緒拒絕施方嘅要求，就視乎雙方權力交換嘅程度。喺唔牽涉支配與臣服嘅繩縛或性虐戀關係，受方可以禮貌地拒絕施方，只要唔係不斷無理拒絕就無傷大雅。喺權力交換關係，臣服者雖然唔可以隨意扭計拒絕（除非係 brat），但都擁有表達個人意見、與支配者商討嘅權利，當然最終接唔接受就係支配者嘅決定。而奴隸由於不被視為獨立個體、無個人意志，會行使另一種協議制度，見 Q14。（重申：奴隸一樣有硬限制、有得叫安全詞）
詳情請參閱《如何開始？：安全語及限制》
有限制係人之常情，每個人經歷同價值觀都唔同，需要彼此尊重。
而個人喜好或情緒所引致嘅抗拒，臣服者亦有表達嘅自由同責任。溝通喺任何關係都係不可或缺嘅要素，格硬逞強或者羞於開口只會埋下計時炸彈。假如收埋唔講，支配者無法知悉臣服者嘅難處困擾，想拆彈都無從入手。
表達抗拒同直接拒絕係兩個概念。積極坦誠嘅臣服者唔需要為此感到羞愧，支配者亦不宜怪責對方，應學懂欣賞其主動表露自己嘅勇氣。健康嘅關係需要不斷嘅商討協調以達成共同目標。支配者了解對方想法後需耐心引導、調整節奏，臣服者亦要喺對方循循善誘之下努力跟隨其步伐，相輔相成。
所以話，肯主動溝通嘅臣服者個個都係滿分叻寶！
同一個項目有時得、有時唔得係好平常，並唔係咩欲拒還迎或者出爾反爾。限制有機會因經歷而有所改變，而個人喜好與情緒亦會因時地人而變動，所以施受雙方持續商議、定期檢討係非常重要。
千祈唔好因為害怕被斥責或害羞而唔敢開口頂硬上，要清晰表達俾對方聽，必要時可以使用安全詞。另一方亦要耐心聆聽，體諒並尊重伴侶當刻嘅狀態，共同建構雙方都享受嘅美好場景。
一般喺確立主奴關係前，雙方會共同商議條款、撰寫主奴合約。喺未簽之前一切都有商有量，準奴隸係有權要求一對一，傾掂數先選擇開始。
認咗主之後，奴隸就無權提出要求。合約有生有死，如果係定期更新，不妨喺續約階段再傾下啲條款，不過續唔續到就唔一定。假如係一早列明為多邊關係嘅永久合約，認咗主之後先發覺唔掂想一對一，奴隸就要考慮轉變心態或者解除合約啦。
Written by Kumo
© 2021 852 BDSM. All rights reserved.
