九招教你速成搵 Partner

Photo by W R from Pexels

一入圈第一件事就好想搵人一齊玩,點做好?太主動又比人當厹,太摺又冇人理,點算好?新人咩都唔識,又驚自己唔夠魅力?唔洗驚,跟住呢九招包保有運行!

1. 收埋緊火露矝持

單身嘅各位想快啲有得玩係人之常情,其實就算唔公告天下大家都好清楚你嘅渴求。玩得BDSM嘅其實都著重心靈交流,並非只求扑嘢ONS。所以建議唔好一嚟就好緊火咁報三圍、放祼照,畀番啲矝持,凡事由結識朋友開始。

2. 以禮相待平常心

BDSM圈嘅我哋雖然有非主流嘅嗜好,但同大眾一樣都係有兩隻眼一個鼻一個口嘅平常人。雲呢嗱圈慣用嘅溝通標準仍然適用於BDSM圈,人與人之間需要互相尊重、以禮相待(超連結:基本禮儀)。你平時點樣講嘢先識到朋友唔得罪人,就請你以同樣方式對待BDSM愛好者。無故狗衝、凌辱人並唔會令你顯得更有魅力,只會嚇走潛在優質股。人哋係Dom/sub唔代表係你嘅Dom/sub,請唔好亂稱呼「Sir」或者「賤奴」,你平時都唔會街到見到個靚仔靚女就大叫「老公」「BB豬」啦。

3. 活躍上水去聚會

BDSM係一樣好認真嘅活動,涉及一定風險(超連結:風險),所以圈中人都傾向有一定認識先會約出嚟玩。喺谷中多參與討論,聚會中多與人交談,可以令其他人更熟悉你,自然有機會擦出火花。有咗基本了解同信任,咁就玩得安心又投入。

4. 男女通殺招朋友

冇錯同你玩嘅係得某一性別某某屬性,齋同啲符合條件嘅吹水唔係唔得,但叫得速成貼士梗係教你點樣提升機率降低難度。你鍾意玩地獄級的話冇人會阻止你,但與唔同人打好關係男女通殺就肯定變食生菜級。留意番BDSM圈嘅構成非常多元化,要尊重唔同性別、性向以及屬性,時刻慎言,唔好得罪人變超絕地獄級。人緣好就自然多人幫你講好說話,甚至主動介紹荀盤畀你。溫馨提示,識朋友最緊要真心,唔好利益行頭,呢啲只係錦上添花。

5. 持續進修乖學生

BDSM圈入面咩人最有魅力最煞食?唔係樣靚身材正,而係虛心向學、孜孜不倦嘅類型。你今日未係大佬唔緊要,只要你態度正確肯問肯嘗試,就一定大把人教你。更何況冇一個大佬敢話自己完美,佢哋個個都持續進修緊㗎。千祈唔好懶,爬曬呢度101啲文就啱㗎啦, 言談間拋下書包展現學識即刻冧死人。咪話我唔袋錢落你褲袋,仲可以報名工作坊,學到嘢之餘仲有機會體驗唔同Play,分分鐘識埋個Play partner

想睇埋最後四招?嚟報名參加 852 BDSM 101 工作坊,就可以閱覽獨家完整版本~期待喺之後嘅活動見到你!

Written by Kumo

WARNING︰THIS ARTICLE CONTAINS MATERIAL WHICH MAY OFFEND AND MAY NOT BE DISTRIBUTED , CIRCULATED , SOLD, HIRED , GIVEN , LENT , SHOWN , PLAYED OR PROJECTED TO A PERSON UNDER THE AGE OF 18 YEARS .

警告︰本物品內容可能令人反感;不可將本物品派發、傳閱出售、出租、交給或出借予年齡未滿18歲的人士或將本物品向該等人士出示、播放或放映。