喺三月我哋舉行咗以性玩具為主題嘅陶瓷工作坊，學員個個都別出心裁，設計出獨一無二嘅精緻玩具。自製鞭拍打玩具就聽得多，估唔到連插入嘅肛塞同假陽具都可以親手製作。成品唔單止靚，仲好硬淨又防水，可以話出得廳堂入得睡房。

每件陶器都需要經過塑形、素燒、上釉、釉燒等多重工序先會成形，一啲都唔容易㗎。好彩有耐心嘅導師夫婦指導我哋，啲仔仔女女先至可以順利誕生。雖然製作上色同等待風乾入窑嘅時間都幾漫長，但一見到咁靚嘅成品就知道呢一個月嘅等待係值得嘅。由零開始製作出屬於自己嘅性玩具，嗰一份滿足感真係無與倫比。特別鳴謝導師們願意同異色者一齊創作藝術，展現出異色嘅多姿多彩！